ختمِ نبوت

فتویٰ نمبر: 2 — ختمِ نبوت

استفتاء:

کیا حضرت محمد مصطفیٰ ﷺ اللہ تعالیٰ کے آخری نبی ہیں؟

الجواب وبالله التوفيق:

جی ہاں، حضرت محمد مصطفیٰ ﷺ اللہ تعالیٰ کے آخری نبی اور رسول ہیں۔ آپ ﷺ کے بعد کسی بھی شخص کا نبی بننا یا کسی کو نبی ماننا قرآن و سنت اور اجماعِ امت کے خلاف ہے۔

اللہ تعالیٰ قرآنِ کریم میں ارشاد فرماتا ہے:

وَلٰكِنْ رَّسُوْلَ اللّٰهِ وَخَاتَمَ النَّبِيّٖنَ

ترجمہ: ’’لیکن وہ اللہ کے رسول اور سب نبیوں کے خاتم (آخری) ہیں۔‘‘

(سورۃ الاحزاب: 40)

لہٰذا جو شخص حضور اکرم ﷺ کے بعد کسی نئے نبی کے آنے کا عقیدہ رکھے، وہ عقیدۂ ختمِ نبوت کا منکر ہے۔

حوالہ:

القرآن الکریم، سورۃ الاحزاب: 40؛ صحیح البخاری، کتاب المناقب؛ صحیح مسلم، کتاب الفضائل۔

واللہ تعالیٰ اعلم بالصواب

مفتی سید محمد عالم مداری