فرشتوں پر ایمان

فتویٰ نمبر: 5 — فرشتوں پر ایمان

استفتاء:

کیا فرشتوں پر ایمان لانا ضروری ہے؟

الجواب وبالله التوفيق:

جی ہاں، فرشتوں کے وجود اور ان کے بارے میں قرآن و سنت سے ثابت شدہ امور پر ایمان لانا ضروریاتِ ایمان میں سے ہے۔ فرشتے اللہ تعالیٰ کی نورانی مخلوق ہیں، جو اللہ تعالیٰ کے حکم کی نافرمانی نہیں کرتے اور اپنے سپرد کیے گئے کام انجام دیتے ہیں۔

اللہ تعالیٰ ارشاد فرماتا ہے:

كُلٌّ آمَنَ بِاللّٰهِ وَمَلَائِكَتِهٖ وَكُتُبِهٖ وَرُسُلِهٖ

ترجمہ: ’’سب ایمان لائے اللہ پر، اس کے فرشتوں پر، اس کی کتابوں پر اور اس کے رسولوں پر۔‘‘

(سورۃ البقرۃ: 285)

لہٰذا فرشتوں کا انکار کرنا ایمان کے منافی ہے، جبکہ ان کے وجود اور اللہ تعالیٰ کے حکم سے ان کے فرائض انجام دینے پر ایمان رکھنا ہر مسلمان کے لیے ضروری ہے۔

حوالہ:

القرآن الکریم، سورۃ البقرۃ: 285؛ صحیح مسلم، کتاب الایمان؛ شرح العقائد النسفیہ۔

واللہ تعالیٰ اعلم بالصواب

مفتی سید محمد عالم مداری