اللہ تعالیٰ کی وحدانیت

فتویٰ نمبر: 3 — اللہ تعالیٰ کی وحدانیت

استفتاء:

کیا اللہ تعالیٰ ایک ہے اور اس کا کوئی شریک نہیں؟

الجواب وبالله التوفيق:

جی ہاں، اللہ تعالیٰ ایک ہے، اس کا کوئی شریک نہیں۔ وہ اپنی ذات، صفات اور معبود ہونے میں یکتا ہے۔ عبادت کے لائق صرف اللہ تعالیٰ ہے، اس کے سوا کسی کو معبود ماننا یا عبادت میں اللہ تعالیٰ کا شریک ٹھہرانا شرک ہے۔

اللہ تعالیٰ ارشاد فرماتا ہے:

قُلْ هُوَ اللّٰهُ أَحَدٌ ۝ اللّٰهُ الصَّمَدُ ۝ لَمْ يَلِدْ وَلَمْ يُولَدْ ۝ وَلَمْ يَكُنْ لَّهٗ كُفُوًا أَحَدٌ

ترجمہ: ’’آپ فرمادیجیے: وہ اللہ ایک ہے، اللہ بے نیاز ہے، نہ اس نے کسی کو جنا اور نہ وہ جنا گیا، اور نہ کوئی اس کے برابر ہے۔‘‘

(سورۃ الاخلاص: 1-4)

لہٰذا ہر مسلمان پر لازم ہے کہ اللہ تعالیٰ کو واحد و یکتا مانے اور عبادت میں کسی کو اس کا شریک نہ ٹھہرائے۔

حوالہ:

القرآن الکریم، سورۃ الاخلاص؛ شرح العقائد النسفیہ؛ العقیدۃ الطحاویہ۔

واللہ تعالیٰ اعلم بالصواب

مفتی سید محمد عالم مداری